نشطاء بالأنترنيت يعممون فيديو وعريضة للتوقيع من أجل إسقاط قرار منع تواصل المغاربة عبر السكايب والواتساب والفايبر

qadaya 0 respond

قضايا مراكش

عمم نشطاء بمواقع التواصل الاجتماعي فيديو يفسر دواعي وتداعيات منع الحكومة المغربية، تحت غطاء ANRT، تواصل المغاربة عبر تطبيقات السكايب والفايبر والواتساب ، وذلك بتبريرات واهية يتم التطرق إليها بالفيديو. وحذر النشطاء من القادم في حالة السكوت والرضوخ لهذا القرار الخطير.
كما عمم النشطاء عريضة للتوقيع احتجاجا على القرار الجائر وتجدون أسفله الفيديو ورابط العريضة مع نصها الكامل:

https://secure.avaaz.org/fr/petition/ryys_lHkwm_lmGrby_rf_lHZr_n_khdmt_lmHdtht_lSwty_wnql_lbynt_br_s
hbk_lntrnt/?fKUAcib&pv=8

علاش هادشي ؟
باش تدير حدث عندو بعد اجتماعي، أو مشروع خيري، و تعاون ناس فشي دوار، ولا تبني ليه دار، كايخصك تنسق مع صحابك لي فجمعيتك، و تواصل معاهم دكشي علاش غادي تستعمل ميسنجر أو سكايب.
نتا شاب ختاريتي المقاولة، و درتي مشروعك فأنترنت، و عندكم مجموعة زبائن لي فميريكان و فرنسا و اليابان، منين تبغي تفاهم معاهم كاتبغي تشوفهم و يشوفوك، دكشي علاش غادي تستعمل ميسنجر أو سكايب.
نتا مدير شركة ناشئة، تقوم بتطوير تطبيقات على الموبايل لعملاء في شتى أنحاء العالم، باش تواصل معاهم شي حاجة ضرورية، دكشي علاش غادي تستعملي ميسنجر أو سكايب.
نتي شابة كاتوجدي لبروجي دو فان ديتيد، و كاتجي عيانا، و كاتفتحي الحاسوب ديالك باش تواصلي مع لي كيقراو معاك، باش تقادو البريزونطاسيون و تعونو عليها، دكشي علاش غادي تستعملي ميسنجر أو سكايب.
نتي أم فدارك، وليدك حبيبك مشا يقرا ففرنسا أو تركيا أو ميريكان، من ليلة ليلة تتشعلي المشقوف و تقابليه، باش تشوفي وليدك كيبقا و تسمعي صوتو وتشوفيه، دكشي علاش غادي تستعملي ميسنجر أو سكايب.
نتا أب مهاجر على وليداتك، و كاتضطر تسافر نص عام من أجل رزقهم، منين تاتسالي الخدمة كاتبغي تشوف خبارهم، تهدر معا مراتك و تشوف وليداتك، دكشي علاش غادي تستعمل ميسنجر أو سكايب.
نتا أستاذ، مجموعة تلاميذ مفهموش المادة، غادي تاخد مبادرة و تشرح ليهم باستعمال التكنولوجيا، دكشي علاش غادي تستعمل ميسنجر أو سكايب.
نتا ديزاينر، فالرباط، و الكليان فأكادير، نتا فريلانس، و معندكش القدرة المادية باش تبقا تمشي كل نهار عند الكليان، كاتفاهمو على وقيتة يوميا يعطيك الخدمة، دكشي علاش غادي تستعمل ميسنجر أو سكايب.
نتا ديفلوبور، خدام مع الدول ديال الخارج، و مقاتل دخل رزقك، باش تنج مشروعك، خاصك تتواصل معاهم، دكشي علاش غادي تستعمل ميسنجر أو سكايب.
نتا مبدع و منتج محتوى، منين كاتبغي تخرج حلقة فيوتوب كاتواصل مع ناس لي الميدان باش يفيديوك، دكشي علاش غادي تستعمل ميسنجر أو سكايب.
نتا إنسان على أرض هاد الكوكب، جاو الناس اخترعو وسيلة اتصال عالمية، كلشي غادي يستعملها إلا فبلادك، غادي تجي inwi و Maroc Telecom و méditel ( حيدو ليهم لايك لكنتو دايرينها ) غادي يحبسوهم عليك.. باش يقطعو على الأم حنانها، و على الأب قلبو، و الشاب عملو، و الشابة قرايتها، و المبدع محتواه و الأستاذ تطوعو، و الي كيدير الخير خيرو..شكرا شركات الإتصال المغربية.

السبت 5 مارس 2016 10:41
Don't miss the stories follow- قضايا مراكش - and let's be smart!
Loading...
0/5 - 0
You need login to vote.

إطلاق مركز النداء لاستقبال مكالمات المواطنين الراغبين في التبليغ عن مخالفات النقل العمومي

حقوقيون يحتجون يوم 27 مارس الجاري أمام البرلمان ضد شعار الحكومة “عفا الله عما سلف”

Related posts
Your comment?
Leave a Reply